’’ یہ مستعفی ہوگئے تو پاکستان کی بہتری ہوگی۔۔۔‘‘ وزیر اعظم عمران خان نے پی ڈی ایم کو فوراً استعفے دینے کا کہہ دیا، کیا اپوزیشن استعفے دے گی؟

’’ یہ مستعفی ہوگئے تو پاکستان کی بہتری ہوگی۔۔۔‘‘ وزیر اعظم عمران خان نے پی ڈی ایم کو فوراً استعفے دینے کا کہہ دیا، کیا اپوزیشن استعفے دے گی؟

وزیر اعظم عمران خان کا کہنا ہے کہ میں تو انتظار کر ہا ہوں کہ پی ڈی ایم کی جانب سے استعفے دیئے جائیں، فوراً قبول کر لیں گے۔

تفصیلات کے مطابق نجی ٹی وی چینل کو خصوصی انٹرویو دیتے ہوئے ایکنر پرسن پارس جہانزیب نے سوال کیا کہ ’’اگر پی ڈی ایم استعفے دیتی ہے تو آپ منظور کریں گے؟‘‘۔ جس کا جواب دیتے ہوئے وزیر اعظم عمران خان کا کہنا تھا کہ ’’وزیراعظم منظور؟ میں تو انتظار کر رہا ہوں یہ استعفے دیں، میں ایمانداری سے کہہ رہا ہوں اس میں پاکستان کی بہتری ہو گی،انشاءاللہ‘‘۔

وزیر اعظم عمران خان کا کہنا تھا کہ میرا وزیر یا پھر کوئی مشیر کیوں اسرائیل جائے گا؟ ہماری واضح پالیسی ہے کہ ہم نے اسرائیل کو تسلیم نہیں کرنا ، پھر وزیر وہاں جا کر کیا کرے گا؟ یہ خبر غلط ہے۔

وزیر اعظم عمران خان کا کہنا تھا کہ میں پھر سے آپ کو بتا رہا ہوں ، ایک پوری کمپین چل رہی ہے، جو یورپی یونین کی لیب کی جانب سے ہندوستان کا یاک نیٹورک بے نقاب کیا گیا ہے، اس نیٹ ورک میں پاکستانی بھی شامل ہیں، جو افرا تفری پھیلائی جا رہی ہے یہ لوگ ان سے ملے ہیوئے ہیں۔

وزیر اعظم عمران خان کا کہنا تھا کہ پاکستان کی اسٹاک مارکیٹ جو اوپر جارہی ہے اسے کوئی پکڑ کر اوپر تو نہیں لیجا رہا ، بزنس میں لوگوں کا اعتماد بڑا ہے تو پھر ہی یہ سب ہورہا ہے نا۔

Comments are closed.